Aditya Hridayam

Verse 1

ततो युद्धपरिश्रान्तं समरे चिन्तया स्थितम्।
रावणं चाग्रतो दृष्ट्वा युद्धाय समुपस्थितम्॥ १॥

Tato yuddhaparishraantam samare chintayaa sthitam
Raavanam chaagrato drishtvaa yuddhaaya samupasthitam

Rama, worn out by the fight, stood in thought on the field, seeing Ravana before him, ready for battle.

Verse 2

दैवतैश्च समागम्य द्रष्टुमभ्यागतो रणम्।
उपागम्याब्रवीद्राममगस्त्यो भगवान् ऋषिः॥ २॥

Daivataishcha samaagamya drashtumabhyaagato ranam
Upaagamyaabraveedraamamagastyo bhagavaan rishih

The blessed sage Agastya, who had come with the devas to watch the battle, came near and spoke to Rama.

Verse 3

राम राम महाबाहो शृणु गुह्यं सनातनम्।
येन सर्वानरीन् वत्स समरे विजयिष्यसि॥ ३॥

Raama raama mahaabaaho shrinu guhyam sanaatanam
Yena sarvaanareen vatsa samare vijayishyasi

Rama, Rama, mighty-armed, hear the eternal secret, my son, by which you will conquer all your foes in battle.

Verse 4

आदित्यहृदयं पुण्यं सर्वशत्रुविनाशनम्।
जयावहं जपेन्नित्यम् अक्षय्यं परमं शिवम्॥ ४॥

Aadityahridayam punyam sarvashatruvinaashanam
Jayaavaham japennityam akshayyam paramam shivam

The holy Aditya Hridayam, destroyer of all foes and bringer of victory, should be recited daily, the verse says: undying, supreme and auspicious.

Verse 5

सर्वमङ्गलमाङ्गल्यं सर्वपापप्रणाशनम्।
चिन्ताशोकप्रशमनम् आयुर्वर्धनमुत्तमम्॥ ५॥

Sarvamangalamaangalyam sarvapaapapranaashanam
Chintaashokaprashamanam aayurvardhanamuttamam

The verse calls it the blessing of all blessings, destroyer of all sin, stiller of worry and grief, the best giver of long life.

Verse 6

रश्मिमन्तं समुद्यन्तं देवासुरनमस्कृतम्।
पूजयस्व विवस्वन्तं भास्करं भुवनेश्वरम्॥ ६॥

Rashmimantam samudyantam devaasuranamaskritam
Poojayasva vivasvantam bhaaskaram bhuvaneshvaram

Worship the rayed one, the rising one, honoured by devas and asuras: Vivasvan, Bhaskara, lord of the worlds.

Verse 7

सर्वदेवात्मको ह्येष तेजस्वी रश्मिभावनः।
एष देवासुरगणाँल्लोकान् पाति गभस्तिभिः॥ ७॥

Sarvadevaatmako hyesha tejasvee rashmibhaavanah
Esha devaasuraganaanllokaan paati gabhastibhih

He is the self of all the devas, radiant, the source of rays. With his rays he guards the hosts of devas, asuras and the worlds.

Verse 8

एष ब्रह्मा च विष्णुश्च शिवः स्कन्दः प्रजापतिः।
महेन्द्रो धनदः कालो यमः सोमो ह्यपां पतिः॥ ८॥

Esha Brahmaa cha vishnushcha shivah skandah prajaapatih
Mahendro dhanadah kaalo yamah somo hyapaam patih

He is Brahma, Vishnu, Shiva, Skanda and Prajapati; Mahendra, Kubera, Time, Yama, Soma and Varuna.

Verse 9

पितरो वसवः साध्या ह्यश्विनौ मरुतो मनुः।
वायुर्वह्निः प्रजाप्राण ऋतुकर्ता प्रभाकरः॥ ९॥

Pitaro vasavah saadhyaa hyashvinau maruto manuh
Vaayurvahnih prajaapraana ritukartaa prabhaakarah

The ancestors, the Vasus, the Sadhyas, the Ashvins, the Maruts and Manu; Vayu, Agni, the breath of creatures, maker of the seasons, giver of light.

Verse 10

आदित्यः सविता सूर्यः खगः पूषा गभस्तिमान्।
सुवर्णसदृशो भानुर्हिरण्यरेता दिवाकरः॥ १०॥

Aadityah savitaa sooryah khagah pooshaa gabhastimaan
Suvarnasadrisho bhaanurhiranyaretaa divaakarah

Aditya, Savita, Surya, the sky-goer, Pushan, the rayed one; golden, Bhanu, of golden seed, the day-maker.

Verse 11

हरिदश्वः सहस्रार्चिः सप्तसप्तिर्मरीचिमान्।
तिमिरोन्मथनः शम्भुस्त्वष्टा मार्ताण्ड अंशुमान्॥ ११॥

Haridashvah sahasraarchih saptasaptirmareechimaan
Timironmathanah shambhustvashtaa maartaanda anshumaan

With green horses, a thousand rays and seven steeds, shining; breaker of darkness, Shambhu, Tvashta, Martanda, Anshuman.

Verse 12

हिरण्यगर्भः शिशिरस्तपनो भास्करो रविः।
अग्निगर्भोऽदितेः पुत्रः शङ्खः शिशिरनाशनः॥ १२॥

Hiranyagarbhah shishirastapano bhaaskaro ravih
Agnigarbhoditeh putrah shankhah shishiranaashanah

Hiranyagarbha, cool yet burning, Bhaskara, Ravi; with fire within, son of Aditi, serene, ender of the cold.

Verse 13

व्योमनाथस्तमोभेदी ऋग्यजुःसामपारगः।
घनवृष्टिरपां मित्रो विन्ध्यवीथीप्लवङ्गमः॥ १३॥

Vyomanaathastamobhedee rigyajuhsaamapaaragah
Ghanavrishtirapaam mitro vindhyaveetheeplavangamah

Lord of the sky, breaker of darkness, master of the Rig, Yajur and Sama; bringer of heavy rain, friend of the waters, swift on the Vindhya path.

Verse 14

आतपी मण्डली मृत्युः पिङ्गलः सर्वतापनः।
कविर्विश्वो महातेजाः रक्तः सर्वभवोद्भवः॥ १४॥

Aatapee mandalee mrityuh pingalah sarvataapanah
Kavirvishvo mahaatejaah raktah sarvabhavodbhavah

The burning one, the round one, Death, the tawny one, heating all; the seer, the universe, of great splendour, red, source of all that is.

Verse 15

नक्षत्रग्रहताराणामधिपो विश्वभावनः।
तेजसामपि तेजस्वी द्वादशात्मन् नमोऽस्तु ते॥ १५॥

Nakshatragrahataaraanaamadhipo vishvabhaavanah
Tejasaamapi tejasvee dvaadashaatman namostu te

Lord of stars, planets and constellations, maker of the universe, most radiant of the radiant: salutation to you of twelve forms.

Verse 16

नमः पूर्वाय गिरये पश्चिमायाद्रये नमः।
ज्योतिर्गणानां पतये दिनाधिपतये नमः॥ १६॥

Namah poorvaaya giraye pashchimaayaadraye namah
Jyotirganaanaam pataye dinaadhipataye namah

Salutation to the eastern mountain, salutation to the western hill, to the lord of the hosts of light, to the lord of the day.

Verse 17

जयाय जयभद्राय हर्यश्वाय नमो नमः।
नमो नमः सहस्रांशो आदित्याय नमो नमः॥ १७॥

Jayaaya jayabhadraaya haryashvaaya namo namah
Namo namah sahasraansho aadityaaya namo namah

To the victorious, the bringer of auspicious victory, the green-horsed: salutations. Salutations to you of a thousand rays, to Aditya.

Verse 18

नम उग्राय वीराय सारङ्गाय नमो नमः।
नमः पद्मप्रबोधाय मार्ताण्डाय नमो नमः॥ १८॥

Nama ugraaya veeraaya saarangaaya namo namah
Namah padmaprabodhaaya maartaandaaya namo namah

Salutation to the fierce, the hero, the swift: salutations. Salutation to him who wakes the lotus, to Martanda.

Verse 19

ब्रह्मेशानाच्युतेशाय सूर्यायादित्यवर्चसे।
भास्वते सर्वभक्षाय रौद्राय वपुषे नमः॥ १९॥

Brahmeshaanaachyuteshaaya sooryaayaadityavarchase
Bhaasvate sarvabhakshaaya raudraaya vapushe namah

Salutation to the lord of Brahma, Shiva and Achyuta, to Surya, of solar splendour, shining, devourer of all, in fierce form.

Verse 20

तमोघ्नाय हिमघ्नाय शत्रुघ्नायामितात्मने।
कृतघ्नघ्नाय देवाय ज्योतिषां पतये नमः॥ २०॥

Tamoghnaaya himaghnaaya shatrughnaayaamitaatmane
Kritaghnaghnaaya devaaya jyotishaam pataye namah

Salutation to the slayer of darkness and of frost, slayer of foes, of boundless self; slayer of the ungrateful, the god, lord of all lights.

Verse 21

तप्तचामीकराभाय वह्नये विश्वकर्मणे।
नमस्तमोऽभिनिघ्नाय रुचये लोकसाक्षिणे॥ २१॥

Taptachaameekaraabhaaya vahnaye vishvakarmane
Namastamobhinighnaaya ruchaye lokasaakshine

Salutation to him shining like molten gold, to fire, maker of all, destroyer of darkness, the bright one, witness of the world.

Verse 22

नाशयत्येष वै भूतं तदेव सृजति प्रभुः।
पायत्येष तपत्येष वर्षत्येष गभस्तिभिः॥ २२॥

Naashayatyesha vai bhootam tadeva srijati prabhuh
Paayatyesha tapatyesha varshatyesha gabhastibhih

This lord destroys all beings and again creates them. He drinks up the waters, he heats, he sends rain with his rays.

Verse 23

एष सुप्तेषु जागर्ति भूतेषु परिनिष्ठितः।
एष एवाग्निहोत्रं च फलं चैवाग्निहोत्रिणाम्॥ २३॥

Esha supteshu jaagarti bhooteshu parinishthitah
Esha evaagnihotram cha phalam chaivaagnihotrinaam

He wakes in the sleeping, dwelling within all beings. He is the Agnihotra and also its fruit for those who offer it.

Verse 24

वेदाश्च क्रतवश्चैव क्रतूनां फलमेव च।
यानि कृत्यानि लोकेषु सर्व एष रविः प्रभुः॥ २४॥

Vedaashcha kratavashchaiva kratoonaam phalameva cha
Yaani krityaani lokeshu sarva esha ravih prabhuh

The Vedas, the rites and the fruit of the rites, and all the works of the worlds: all this is Ravi, the lord.

Verse 25

एनमापत्सु कृच्छ्रेषु कान्तारेषु भयेषु च।
कीर्तयन् पुरुषः कश्चिन्नावसीदति राघव॥ २५॥

Enamaapatsu krichchhreshu kaantaareshu bhayeshu cha
Keertayan purushah kashchinnaavaseedati raaghava

Agastya says: whoever praises him in dangers, in hardship, in the wild and in fear does not sink, Raghava.

Verse 26

पूजयस्वैनमेकाग्रो देवदेवं जगत्पतिम्।
एतत् त्रिगुणितं जप्त्वा युद्धेषु विजयिष्यसि॥ २६॥

Poojayasvainamekaagro devadevam jagatpatim
Etat trigunitam japtvaa yuddheshu vijayishyasi

Worship him with a single mind, the god of gods, lord of the world. Reciting this three times, you will win in battle, Agastya says.

Verse 27

अस्मिन् क्षणे महाबाहो रावणं त्वं वधिष्यसि।
एवमुक्त्वा तदागस्त्यो जगाम च यथागतम्॥ २७॥

Asmin kshane mahaabaaho raavanam tvam vadhishyasi
Evamuktvaa tadaagastyo jagaama cha yathaagatam

"In this moment, mighty-armed, you will slay Ravana." So saying, Agastya left the way he had come.

Verse 28

एतच्छ्रुत्वा महातेजा नष्टशोकोऽभवत्तदा।
धारयामास सुप्रीतो राघवः प्रयतात्मवान्॥ २८॥

Etachchhrutvaa mahaatejaa nashtashokobhavattadaa
Dhaarayaamaasa supreeto raaghavah prayataatmavaan

Hearing this, the great-splendoured Raghava was freed from grief. Well pleased and self-controlled, he took it to heart.

Verse 29

आदित्यं प्रेक्ष्य जप्त्वा तु परं हर्षमवाप्तवान्।
त्रिराचम्य शुचिर्भूत्वा धनुरादाय वीर्यवान्॥ २९॥

Aadityam prekshya japtvaa tu param harshamavaaptavaan
Triraachamya shuchirbhootvaa dhanuraadaaya veeryavaan

Looking on Aditya and reciting it, he felt great joy. Sipping water three times, made pure, the valiant one took up his bow.

Verse 30

रावणं प्रेक्ष्य हृष्टात्मा युद्धाय समुपागमत्।
सर्वयत्नेन महता वधे तस्य धृतोऽभवत्॥ ३०॥

Raavanam prekshya hrishtaatmaa yuddhaaya samupaagamat
Sarvayatnena mahataa vadhe tasya dhritobhavat

Seeing Ravana, glad in heart, he came forward to fight, resolved with all his great effort on Ravana's death.

Verse 31

अथ रविरवदन्निरीक्ष्य रामं मुदितमनाः परमं प्रहृष्यमाणः।
निशिचरपतिसंक्षयं विदित्वा सुरगणमध्यगतो वचस्त्वरेति॥ ३१॥

Atha raviravadannireekshya raamam muditamanaah paramam prahrishyamaanah
Nishicharapatisankshayam viditvaa suraganamadhyagato vachastvareti

Then Ravi, gladdened, in great delight, looking on Rama among the hosts of devas and knowing that the lord of the night-walkers was at his end, said: "Make haste."