Kanakadhara Stotram

Dhyana 1

वंदे वंदारु मंदारमिंदिरानंदकंदलम् ।
अमंदानंदसंदोह बंधुरं सिंधुराननम् ॥

Vande vandaaru mandaaramindiraanandakandalam
Amandaanandasandoha bandhuram sindhuraananam

I bow to the elephant-faced one, sprout of the bliss of Indira and the mandara flower to all who bow, a friend close to the mass of great joy.

Verse 1

अंगं हरेः पुलकभूषणमाश्रयंती
भृंगांगनेव मुकुलाभरणं तमालम् ।
अंगीकृताखिलविभूतिरपांगलीला
मांगल्यदास्तु मम मंगलदेवतायाः ॥ १ ॥

Angam hareh pulakabhooshanamaashrayantee
Bhringaanganeva mukulaabharanam tamaalam
Angeekritaakhilavibhootirapaangaleelaa
Maangalyadaastu mama mangaladevataayaah

As a bee clings to the budding tamala, the glance of the goddess of blessings rests on Hari's body, thrilled to bristling. May that playful side-glance, holding all splendour, bring me good.

Verse 2

मुग्धा मुहुर्विदधती वदने मुरारेः
प्रेमत्रपाप्रणिहितानि गतागतानि ।
माला दृशोर्मधुकरीव महोत्पले या
सा मे श्रियं दिशतु सागरसंभवायाः ॥ २ ॥

Mugdhaa muhurvidadhatee vadane muraareh
Prematrapaapranihitaani gataagataani
Maalaa drishormadhukareeva mahotpale yaa
Saa me shriyam dishatu saagarasambhavaayaah

Like a bee to a great lotus, the charmed glances of love and modesty go and come on Murari's face. May that garland of glances of the ocean-born one give me wealth.

Verse 3

आमीलिताक्षमधिगम्य मुदा मुकुंदम्-
आनंदकंदमनिमेषमनंगतंत्रम् ।
आकेकरस्थितकनीनिकपक्ष्मनेत्रं
भूत्यै भवेन्मम भुजंगशयांगनायाः ॥ ३ ॥

Aameelitaakshamadhigamya mudaa mukundam
Aanandakandamanimeshamanangatantram
Aakekarasthitakaneenikapakshmanetram
Bhootyai bhavenmama bhujangashayaanganaayaah

She gazes unblinking at Mukunda, eyes half closed in joy, root of bliss and heart of love. May the half-turned eye of the serpent-sleeper's beloved be for my good.

Verse 4

बाह्वंतरे मधुजितः श्रितकौस्तुभे या
हारावलीव हरिनीलमयी विभाति ।
कामप्रदा भगवतोऽपि कटाक्षमाला
कल्याणमावहतु मे कमलालयायाः ॥ ४ ॥

Baahvantare madhujitah shritakaustubhe yaa
Haaraavaleeva harineelamayee vibhaati
Kaamapradaa bhagavatopi kataakshamaalaa
Kalyaanamaavahatu me kamalaalayaayaah

On the chest of Madhu's slayer, where the Kaustubha rests, her glance shines like a necklace of sapphires. It grants wishes even to the lord: may the lotus-dweller's garland of glances bring me good fortune.

Verse 5

कालांबुदालिललितोरसि कैटभारेः
धाराधरे स्फुरति या तटिदंगनेव ।
मातुस्समस्तजगतां महनीयमूर्तिः
भद्राणि मे दिशतु भार्गवनंदनायाः ॥ ५ ॥

Kaalaambudaalilalitorasi kaitabhaareh
Dhaaraadhare sphurati yaa tatidanganeva
Maatussamastajagataam mahaneeyamoortih
Bhadraani me dishatu bhaargavanandanaayaah

Like lightning on a rain-cloud, she shines on the cloud-dark chest of Kaitabha's foe: the mother of all the worlds, honoured form. May Bhargava's daughter give me what is good.

Verse 6

प्राप्तं पदं प्रथमतः खलु यत्प्रभावात्
मांगल्यभाजि मधुमाथिनि मन्मथेन ।
मय्यापतेत्तदिह मंथरमीक्षणार्धं
मंदालसं च मकरालयकन्यकायाः ॥ ६ ॥

Praaptam padam prathamatah khalu yatprabhaavaat
Maangalyabhaaji madhumaathini manmathena
Mayyaapatettadiha mantharameekshanaardham
Mandaalasam cha makaraalayakanyakaayaah

By the power of that half-glance, Manmatha first gained his place in Madhu's slayer, the auspicious one. May that slow, languid half-glance of the ocean's daughter fall on me here.

Verse 7

विश्वामरेंद्रपदविभ्रमदानदक्षं
आनंदहेतुरधिकं मुरविद्विषोऽपि ।
ईषन्निषीदतु मयि क्षणमीक्षणार्धं
इंदीवरोदरसहोदरमिंदिरायाः ॥ ७ ॥

Vishvaamarendrapadavibhramadaanadaksham
Aanandaheturadhikam muravidvishopi
Eeshannisheedatu mayi kshanameekshanaardham
Indeevarodarasahodaramindiraayaah

Able to give the rank of every lord of the devas, a joy greater even to Mura's foe: may that half-glance of Indira, like the heart of a blue lily, rest on me for a moment.

Verse 8

इष्टा विशिष्टमतयोऽपि यया दयार्द्र
दृष्ट्या त्रिविष्टपपदं सुलभं लभंते ।
दृष्टिः प्रहृष्टकमलोदरदीप्तिरिष्टां
पुष्टिं कृषीष्ट मम पुष्करविष्टरायाः ॥ ८ ॥

Ishtaa vishishtamatayopi yayaa dayaardra
Drishtyaa trivishtapapadam sulabham labhante
Drishtih prahrishtakamalodaradeeptirishtaam
Pushtim krisheeshta mama pushkaravishtaraayaah

By her kind eye even the worthy reach heaven with ease. May the shining glance of her who sits on the lotus, bright as the heart of a glad lotus, give me the growth I seek.

Verse 9

दद्याद्दयानुपवनो द्रविणांबुधारा-
मस्मिन्नकिंचन विहंगशिशौ विषण्णे ।
दुष्कर्मघर्ममपनीय चिराय दूरं
नारायणप्रणयिनीनयनांबुवाहः ॥ ९ ॥

Dadyaaddayaanupavano dravinaambudhaaraa
Masminnakinchana vihangashishau vishanne
Dushkarmagharmamapaneeya chiraaya dooram
Naaraayanapranayineenayanaambuvaahah

May Narayana's beloved's eye, a rain-cloud moved by the wind of mercy, send a stream of wealth on me, this poor fledgling in distress, long driving away the heat of bad deeds.

Verse 10

गीर्देवतेति गरुडध्वजसुंदरीति
शाकंभरीति शशिशेखरवल्लभेति ।
सृष्टिस्थितिप्रलयकेलिषु संस्थितायै
तस्यै नमस्त्रिभुवनैकगुरोस्तरुण्यै ॥ १० ॥

Geerdevateti garudadhvajasundareeti
Shaakambhareeti shashishekharavallabheti
Srishtisthitipralayakelishu sansthitaayai
Tasyai namastribhuvanaikagurostarunyai

As the goddess of speech, as the lovely one of the Garuda-bannered, as Shakambhari, as the beloved of the moon-crowned: to the young wife of the one guru of the three worlds, who stands in the play of making, keeping and ending, salutation.

Verse 11

श्रुत्यै नमोऽस्तु शुभकर्मफलप्रसूत्यै
रत्यै नमोऽस्तु रमणीयगुणार्णवायै ।
शक्त्यै नमोऽस्तु शतपत्रनिकेतनायै
पुष्ट्यै नमोऽस्तु पुरुषोत्तमवल्लभायै ॥ ११ ॥

Shrutyai namostu shubhakarmaphalaprasootyai
Ratyai namostu ramaneeyagunaarnavaayai
Shaktyai namostu shatapatraniketanaayai
Pushtyai namostu purushottamavallabhaayai

Salutation to Shruti, giver of the fruit of good deeds; to Rati, ocean of lovely virtues; to Shakti, dwelling in the lotus; to Pushti, beloved of Purushottama.

Verse 12

नमोऽस्तु नालीकनिभाननायै
नमोऽस्तु दुग्धोदधिजन्मभूम्यै ।
नमोऽस्तु सोमामृतसोदरायै
नमोऽस्तु नारायणवल्लभायै ॥ १२ ॥

Namostu naaleekanibhaananaayai
Namostu dugdhodadhijanmabhoomyai
Namostu somaamritasodaraayai
Namostu naaraayanavallabhaayai

Salutation to her with a lotus face; to her born of the ocean of milk; to the sister of the moon and nectar; to the beloved of Narayana.

Verse 13

नमोऽस्तु हेमांबुजपीठिकायै
नमोऽस्तु भूमंडलनायिकायै ।
नमोऽस्तु देवादिदयापरायै
नमोऽस्तु शार्ङ्गायुधवल्लभायै ॥ १३ ॥

Namostu hemaambujapeethikaayai
Namostu bhoomandalanaayikaayai
Namostu devaadidayaaparaayai
Namostu shaarngaayudhavallabhaayai

Salutation to her on a golden lotus seat; to the lady of the earth; to her merciful to the devas and others; to the beloved of the bearer of the Sharnga bow.

Verse 14

नमोऽस्तु देव्यै भृगुनंदनायै
नमोऽस्तु विष्णोरुरसिस्थितायै ।
नमोऽस्तु लक्ष्म्यै कमलालयायै
नमोऽस्तु दामोदरवल्लभायै ॥ १४ ॥

Namostu devyai bhrigunandanaayai
Namostu vishnorurasisthitaayai
Namostu lakshmyai kamalaalayaayai
Namostu daamodaravallabhaayai

Salutation to the goddess, daughter of Bhrigu; to her who rests on Vishnu's chest; to Lakshmi, who dwells in the lotus; to the beloved of Damodara.

Verse 15

नमोऽस्तु कांत्यै कमलेक्षणायै
नमोऽस्तु भूत्यै भुवनप्रसूत्यै ।
नमोऽस्तु देवादिभिरर्चितायै
नमोऽस्तु नंदात्मजवल्लभायै ॥ १५ ॥

Namostu kaantyai kamalekshanaayai
Namostu bhootyai bhuvanaprasootyai
Namostu devaadibhirarchitaayai
Namostu nandaatmajavallabhaayai

Salutation to Kanti, the lotus-eyed; to Bhuti, mother of the worlds; to her worshipped by the devas and others; to the beloved of Nanda's son.

Verse 16

संपत्कराणि सकलेंद्रियनंदनानि
साम्राज्यदानविभवानि सरोरुहाक्षि ।
त्वद्वंदनानि दुरितोद्धरणोद्यतानि
मामेव मातरनिशं कलयंतु मान्ये ॥ १६ ॥

Sampatkaraani sakalendriyanandanaani
Saamraajyadaanavibhavaani saroruhaakshi
Tvadvandanaani duritoddharanodyataani
Maameva maataranisham kalayantu maanye

O lotus-eyed Mother, your salutations give wealth, delight all the senses, give the splendour of an empire and are ready to lift out sin: may they stay with me always, honoured one, the verse asks.

Verse 17

यत्कटाक्षसमुपासनाविधिः
सेवकस्य सकलार्थसंपदः ।
संतनोति वचनांगमानसैः
त्वां मुरारिहृदयेश्वरीं भजे ॥ १७ ॥

Yatkataakshasamupaasanaavidhih
Sevakasya sakalaarthasampadah
Santanoti vachanaangamaanasaih
Tvaam muraarihridayeshvareem bhaje

Worshipping your side-glance, the verse says, gives the servant every aim and all wealth. With speech, body and mind, I worship you, queen of Murari's heart.

Verse 18

सरसिजनिलये सरोजहस्ते
धवलतमांशुकगंधमाल्यशोभे ।
भगवति हरिवल्लभे मनोज्ञे
त्रिभुवनभूतिकरि प्रसीद मह्यम् ॥ १८ ॥

Sarasijanilaye sarojahaste
Dhavalatamaanshukagandhamaalyashobhe
Bhagavati harivallabhe manojne
Tribhuvanabhootikari praseeda mahyam

Dweller in the lotus, lotus in your hand, radiant with whitest garments, sandal and garlands: blessed one, beloved of Hari, delight of the heart, who makes the three worlds thrive, be kind to me.

Verse 19

दिग्घस्तिभिः कनककुंभमुखावसृष्ट
स्वर्वाहिनीविमलचारुजलप्लुतांगीम् ।
प्रातर्नमामि जगतां जननीमशेष
लोकाधिनाथगृहिणीममृताब्धिपुत्रीम् ॥ १९ ॥

Digghastibhih kanakakumbhamukhaavasrishta
Svarvaahineevimalachaarujalaplutaangeem
Praatarnamaami jagataam jananeemashesha
Lokaadhinaathagrihineemamritaabdhiputreem

At dawn I bow to the mother of the worlds, wife of the lord of all worlds, daughter of the ocean of nectar, her limbs bathed in the pure, lovely water of the heavenly river poured from golden pots by the elephants of the directions.

Verse 20

कमले कमलाक्षवल्लभे त्वं
करुणापूरतरंगितैरपांगैः ।
अवलोकय मामकिंचनानां
प्रथमं पात्रमकृत्रिमं दयायाः ॥ २० ॥

Kamale kamalaakshavallabhe tvam
Karunaapooratarangitairapaangaih
Avalokaya maamakinchanaanaam
Prathamam paatramakritrimam dayaayaah

O Kamala, beloved of the lotus-eyed, look on me with side-glances that swell with a flood of mercy: I am the first true vessel of your kindness among those who have nothing.

Verse 21

स्तुवंति ये स्तुतिभिरमूभिरन्वहं
त्रयीमयीं त्रिभुवनमातरं रमाम् ।
गुणाधिका गुरुतरभाग्यभागिनो
भवंति ते भुवि बुधभाविताशयाः ॥ २१ ॥

Stuvanti ye stutibhiramoobhiranvaham
Trayeemayeem tribhuvanamaataram ramaam
Gunaadhikaa gurutarabhaagyabhaagino
Bhavanti te bhuvi budhabhaavitaashayaah

The verse says that those who daily praise Rama with these verses, her of the three Vedas, mother of the three worlds, become rich in virtue and great in fortune, and their minds are honoured on earth by the wise.

Closing verse 1

सुवर्णधारास्तोत्रं यच्छंकराचार्य निर्मितम् ।
त्रिसंध्यं यः पठेन्नित्यं स कुबेरसमो भवेत् ॥

Suvarnadhaaraastotram yachchhankaraachaarya nirmitam
Trisandhyam yah pathennityam sa kuberasamo bhavet

The verse says that whoever reads this hymn of the stream of gold, made by Shankaracharya, at the three junctions of the day, becomes equal to Kubera.