Hanuman Chalisa

Doha 1

श्रीगुरु चरन सरोज रज निज मनु मुकुरु सुधारि ।
बरनउँ रघुबर बिमल जसु जो दायकु फल चारि ॥

Shreeguru charan saroj raj nij manu mukuru sudhaari
Baranaun raghubar bimal jasu jo daayaku phal chaari

With the dust of my guru's lotus feet I clean the mirror of my mind, and I tell the pure glory of Raghubar, who gives the four fruits of life.

Doha 2

बुद्धिहीन तनु जानिके सुमिरौं पवनकुमार ।
बल बुद्धि बिद्या देहु मोहिं हरहु कलेस बिकार ॥

Buddhiheen tanu jaanike sumiraun pavanakumaar
Bal buddhi bidyaa dehu mohin harahu kales bikaar

Knowing my body to be without understanding, I remember the son of the wind. Give me strength, intellect and learning, and take away my troubles and faults.

Chaupai 1

जय हनुमान ज्ञान गुन सागर ।
जय कपीस तिहुँ लोक उजागर ॥

Jay Hanumaan gyaan gun saagar
Jay kapees tihun lok ujaagar

Victory to Hanuman, ocean of knowledge and virtue. Victory to the lord of the vanaras, who lights up the three worlds.

Chaupai 2

राम दूत अतुलित बल धामा ।
अंजनिपुत्र पवनसुत नामा ॥

Raam doot atulit bal dhaamaa
Anjaniputra pavanasut naamaa

Messenger of Rama, abode of matchless strength, known as the son of Anjani and the son of the wind.

Chaupai 3

महाबीर बिक्रम बजरंगी ।
कुमति निवार सुमति के संगी ॥

Mahaabeer bikram bajarangee
Kumati nivaar sumati ke sangee

Great hero, mighty, strong as a thunderbolt, you end bad thinking and stay beside good thinking.

Chaupai 4

कंचन बरन बिराज सुबेसा ।
कानन कुंडल कुंचित केसा ॥

Kanchan baran biraaj subesaa
Kaanan kundal kunchit kesaa

Golden in colour, handsomely dressed, with earrings at your ears and curling hair.

Chaupai 5

हाथ बज्र औ ध्वजा बिराजै ।
काँधे मूँज जनेऊ साजै ॥

Haath bajra au dhvajaa biraajai
Kaandhe moonj janeoo saajai

A thunderbolt and a flag shine in your hands, and the munja-grass thread lies on your shoulder.

Chaupai 6

संकर सुवन केसरीनंदन ।
तेज प्रताप महा जग बंदन ॥

Sankar suvan kesareenandan
Tej prataap mahaa jag bandan

Son of Shankara, delight of Kesari, your splendour and might are honoured by the whole world.

Chaupai 7

विद्यावान गुनी अति चातुर ।
राम काज करिबे को आतुर ॥

Vidyaavaan gunee ati chaatur
Raam kaaj karibe ko aatur

Learned, virtuous and very wise, you are eager to do Rama's work.

Chaupai 8

प्रभु चरित्र सुनिबे को रसिया ।
राम लखन सीता मन बसिया ॥

Prabhu charitra sunibe ko rasiyaa
Raam lakhan Seetaa man basiyaa

You delight in hearing the Lord's story, and Rama, Lakshmana and Sita dwell in your heart.

Chaupai 9

सूक्ष्म रूप धरि सियहिं दिखावा ।
बिकट रूप धरि लंक जरावा ॥

Sookshm roop dhari siyahin dikhaavaa
Bikat roop dhari lank jaraavaa

Taking a tiny form you showed yourself to Sita; taking a fearsome form you burned Lanka.

Chaupai 10

भीम रूप धरि असुर सँहारे ।
रामचंद्र के काज सँवारे ॥

Bheem roop dhari asur sanhaare
Raamachandra ke kaaj sanvaare

Taking a huge form you destroyed the asuras and completed Ramachandra's work.

Chaupai 11

लाय सजीवन लखन जियाये ।
श्रीरघुबीर हरषि उर लाये ॥

Laay sajeevan lakhan jiyaaye
Shreeraghubeer harshi ur laaye

You brought the sanjivani and revived Lakshmana, and Shri Raghubir in joy held you to his heart.

Chaupai 12

रघुपति कीन्ही बहुत बड़ाई ।
तुम मम प्रिय भरतहि सम भाई ॥

Raghupati keenhee bahut baraaee
Tum mam priy bharatahi sam bhaaee

Raghupati praised you greatly: "You are as dear to me as my brother Bharata."

Chaupai 13

सहस बदन तुम्हरो जस गावैं ।
अस कहि श्रीपति कंठ लगावैं ॥

Sahas badan tumharo jas gaavain
As kahi shreepati kanth lagaavain

"May a thousand mouths sing your fame", saying this, the lord of Shri embraced you.

Chaupai 14

सनकादिक ब्रह्मादि मुनीसा ।
नारद सारद सहित अहीसा ॥

Sanakaadik brahmaadi muneesaa
Naarad saarad sahit aheesaa

Sanaka and his brothers, Brahma and the sages, Narada, Sharada and the king of serpents,

Chaupai 15

जम कुबेर दिगपाल जहाँ ते ।
कबि कोबिद कहि सके कहाँ ते ॥

Jam kuber digapaal jahaan te
Kabi kobid kahi sake kahaan te

Yama, Kubera and the guardians of the directions: where they fall short, how could poets and scholars tell of you?

Chaupai 16

तुम उपकार सुग्रीवहिं कीन्हा ।
राम मिलाय राज पद दीन्हा ॥

Tum upakaar sugreevahin keenhaa
Raam milaay raaj pad deenhaa

You did Sugriva a great kindness: you brought him to Rama and gave him the throne.

Chaupai 17

तुम्हरो मंत्र बिभीषन माना ।
लंकेस्वर भए सब जग जाना ॥

Tumharo mantra bibheeshan maanaa
Lankesvar bhae sab jag jaanaa

Vibhishana took your counsel and became lord of Lanka: all the world knows this.

Chaupai 18

जुग सहस्र जोजन पर भानू ।
लील्यो ताहि मधुर फल जानू ॥

Jug sahasra jojan par bhaanoo
Leelyo taahi madhur phal jaanoo

The sun, thousands of yojanas and ages away, you swallowed, taking it for a sweet fruit.

Chaupai 19

प्रभु मुद्रिका मेलि मुख माहीं ।
जलधि लाँघि गये अचरज नाहीं ॥

Prabhu mudrikaa meli mukh maaheen
Jaldhi laanghi gaye acharaj naaheen

With the Lord's ring in your mouth you leapt the ocean; no wonder in that.

Chaupai 20

दुर्गम काज जगत के जेते ।
सुगम अनुग्रह तुम्हरे तेते ॥

Durgam kaaj jagat ke jete
Sugam anugrah tumhare tete

Whatever hard tasks the world holds, the text says, by your grace they become easy.

Chaupai 21

राम दुआरे तुम रखवारे ।
होत न आज्ञा बिनु पैसारे ॥

Raam duaare tum rakhavaare
Hot na aagyaa binu paisaare

You are the guard at Rama's door: none enter without your leave.

Chaupai 22

सब सुख लहै तुम्हारी सरना ।
तुम रच्छक काहू को डर ना ॥

Sab sukh lahai tumhaaree sarnaa
Tum rachchhak kaahoo ko dar naa

All joy is found in your shelter, the verse says; with you as protector, there is no one to fear.

Chaupai 23

आपन तेज संहारो आपै ।
तीनों लोक हाँक तें काँपै ॥

Aapan tej sanhaaro aapai
Teenon lok haank ten kaanpai

You alone can hold your own blazing might; at your roar the three worlds tremble.

Chaupai 24

भूत पिसाच निकट नहिं आवै ।
महाबीर जब नाम सुनावै ॥

Bhoot pisaach nikat nahin aavai
Mahaabeer jab naam sunaavai

Bhutas and pishachas do not come near, the verse says, when the Great Hero's name is spoken.

Chaupai 25

नासै रोग हरै सब पीरा ।
जपत निरंतर हनुमत बीरा ॥

Naasai rog harai sab peeraa
Japat nirantar hanumat beeraa

The verse says that sickness goes and all pain ends for one who keeps repeating the name of brave Hanuman.

Chaupai 26

संकट तें हनुमान छुड़ावै ।
मन क्रम बचन ध्यान जो लावै ॥

Sankat ten Hanumaan chhuraavai
Man kram bachan dhyaan jo laavai

The verse says Hanuman frees from trouble the one who holds him in thought, word and deed.

Chaupai 27

सब पर राम तपस्वी राजा ।
तिन के काज सकल तुम साजा ॥

Sab par Raam tapasvee raajaa
Tin ke kaaj sakal tum saajaa

Over all stands Rama, the ascetic king, and you took care of all his work.

Chaupai 28

और मनोरथ जो कोई लावै ।
सोई अमित जीवन फल पावै ॥

Aur manorath jo koee laavai
Soee amit jeevan phal paavai

And whoever brings any other wish to you, the verse says, gains the boundless fruit of life.

Chaupai 29

चारों जुग परताप तुम्हारा ।
है परसिद्ध जगत उजियारा ॥

Chaaron jug parataap tumhaaraa
Hai parasiddh jagat ujiyaaraa

Your glory fills the four ages, famous and lighting up the world.

Chaupai 30

साधु संत के तुम रखवारे ।
असुर निकंदन राम दुलारे ॥

Saadhu sant ke tum rakhavaare
Asur nikandan Raam dulaare

You are guardian of sadhus and saints, destroyer of asuras, beloved of Rama.

Chaupai 31

अष्ट सिद्धि नौ निधि के दाता ।
अस बर दीन जानकी माता ॥

Asht siddhi nau nidhi ke daataa
As bar deen jaanakee maataa

Giver of the eight siddhis and nine treasures: this boon Mother Janaki gave you.

Chaupai 32

राम रसायन तुम्हरे पासा ।
सदा रहो रघुपति के दासा ॥

Raam rasaayan tumhare paasaa
Sadaa raho raghupati ke daasaa

You hold the elixir of Rama's name; may you remain ever the servant of Raghupati.

Chaupai 33

तुम्हरे भजन राम को पावै ।
जनम जनम के दुख बिसरावै ॥

Tumhare bhajan Raam ko paavai
Janam janam ke dukh bisaraavai

Through devotion to you one reaches Rama, the verse says, and forgets the sorrows of birth after birth.

Chaupai 34

अंत काल रघुबर पुर जाई ।
जहाँ जन्म हरिभक्त कहाई ॥

Ant kaal raghubar pur jaaee
Jahaan janm haribhakt kahaaee

At the end, the verse says, one goes to Raghubar's city, and wherever one is born is called a devotee of Hari.

Chaupai 35

और देवता चित्त न धरई ।
हनुमत सेई सर्ब सुख करई ॥

Aur devataa chitt na dharaee
Hanumat seee sarb sukh karaee

Hold no other deity in mind: serving Hanuman, the verse says, one has all joy.

Chaupai 36

संकट कटै मिटै सब पीरा ॥
जो सुमिरै हनुमत बलबीरा ॥

Sankat katai mitai sab peeraa
Jo sumirai hanumat balabeeraa

Troubles are cut away and all pain ends, the verse says, for one who remembers mighty Hanuman.

Chaupai 37

जै जै जै हनुमान गोसाईं ।
कृपा करहु गुरु देव की नाईं ॥

Jai jai jai Hanumaan gosaaeen
Kripaa karahu guru dev kee naaeen

Victory, victory, victory to Hanuman the lord: be kind to me as my guru is.

Chaupai 38

जो सत बार पाठ कर कोई ।
छूटहि बंदि महा सुख होई ॥

Jo sat baar paath kar koee
Chhootahi bandi mahaa sukh hoee

Whoever recites this a hundred times, the verse says, is freed from bondage and has great joy.

Chaupai 39

जो यह पढ़ै हनुमान चलीसा ।
होय सिद्धि साखी गौरीसा ॥

Jo yah parhai Hanumaan chaleesaa
Hoy siddhi saakhee gaureesaa

Whoever reads this Hanuman Chalisa gains siddhi, the verse says, and the lord of Gauri is witness.

Chaupai 40

तुलसीदास सदा हरि चेरा ।
कीजै नाथ हृदय महँ डेरा ॥

Tulaseedaas sadaa hari cheraa
Keejai naath hriday mahan deraa

Tulsidas is ever the servant of Hari. O lord, make your home in my heart.

Doha 3

पवनतनय संकट हरन मंगल मूरति रूप ।
राम लखन सीता सहित हृदय बसहु सुर भूप ॥

Pavanatanay sankat haran mangal moorati roop
Raam lakhan Seetaa sahit hriday basahu sur bhoop

Son of the wind, remover of troubles, form of all that is auspicious: king of the devas, dwell in my heart with Rama, Lakshmana and Sita.