Ganapati Atharvashirsha

Shanti 1

ॐ भद्रं कर्णेभिः शृणुयाम देवा ।
भद्रं पश्येमाक्षभिर्यजत्राः ॥
स्थिरैरङ्गैस्तुष्टुवांसस्तनूभिः ।
व्यशेम देवहितं यदायुः ॥
ॐ स्वस्ति न इन्द्रो वृद्धश्रवाः ।
स्वस्ति नः पूषा विश्ववेदाः ॥
स्वस्तिनस्तार्क्ष्यो अरिष्टनेमिः ।
स्वस्ति नो बृहस्पतिर्दधातु ॥
ॐ तन्मामवतु
तद् वक्तारमवतु
अवतु माम्
अवतु वक्तारम्
ॐ शांतिः । शांतिः ॥ शांतिः॥

Om bhadram karnebhih shrinuyaama devaa
Bhadram pashyemaakshabhiryajatraah
Sthirairangaistushtuvaansastanoobhih
Vyashema devahitam yadaayuh
Om svasti na indro vriddhashravaah
Svasti nah pooshaa vishvavedaah
Svastinastaarkshyo arishtanemih
Svasti no brihaspatirdadhaatu
Om tanmaamavatu
Tad vaktaaramavatu
Avatu maam
Avatu vaktaaram
Om shaantih shaantih shaantih

Om. May we hear what is good with our ears, O devas, and see what is good with our eyes, O worshipful ones. With firm limbs and bodies, praising you, may we live out the life the devas gave. May Indra of great fame, Pushan the all-knowing, Tarkshya of unharmed wheels and Brihaspati give us well-being. May that protect me, protect the speaker. Om peace, peace, peace.

Section 1

हरिः ॐ नमस्ते गणपतये ॥
त्वमेव प्रत्यक्षं तत्त्वमसि ॥ त्वमेव केवलं कर्ताऽसि ॥
त्वमेव केवलं धर्ताऽसि ॥ त्वमेव केवलं हर्ताऽसि ॥
त्वमेव सर्वं खल्विदं ब्रह्मासि ॥
त्वं साक्षादात्माऽसि नित्यम् ॥ १॥

Harih om namaste ganapataye
Tvameva pratyaksham tattvamasi tvameva kevalam kartaasi
Tvameva kevalam dhartaasi tvameva kevalam hartaasi
Tvameva sarvam khalvidam brahmaasi
Tvam saakshaadaatmaasi nityam

Salutation to you, Ganapati. You alone are the visible truth. You alone are the doer, you alone the upholder, you alone the remover. You alone are all this, Brahman. You are the eternal Self itself.

Section 2

ऋतं वच्मि ॥ सत्यं वच्मि ॥ २॥

Ritam vachmi satyam vachmi

I speak what is right. I speak what is true.

Section 3

अव त्वं माम् ॥ अव वक्तारम् ॥ अव श्रोतारम् ॥
अव दातारम् ॥ अव धातारम् ॥
अवानूचानमव शिष्यम् ॥
अव पश्चात्तात् ॥ अव पुरस्तात् ॥
अवोत्तरात्तात् ॥ अव दक्षिणात्तात् ॥
अव चोर्ध्वात्तात् ॥ अवाधरात्तात् ॥
सर्वतो मां पाहि पाहि समंतात् ॥ ३॥

Ava tvam maam ava vaktaaram ava shrotaaram
Ava daataaram ava dhaataaram
Avaanoochaanamava shishyam
Ava pashchaattaat ava purastaat
Avottaraattaat ava dakshinaattaat
Ava chordhvaattaat avaadharaattaat
Sarvato maam paahi paahi samantaat

Protect me, protect the speaker, the hearer, the giver, the holder, the learned teacher and the student. Protect from behind and before, from north and south, above and below. Guard me on every side.

Section 4

त्वं वाङ्मयस्त्वं चिन्मयः ॥
त्वमानंदमयस्त्वं ब्रह्ममयः ॥
त्वं सच्चिदानंदाद्वितीयोऽसि ॥
त्वं प्रत्यक्षं ब्रह्मासि ॥
त्वं ज्ञानमयो विज्ञानमयोऽसि ॥ ४॥

Tvam vaanmayastvam chinmayah
Tvamaanandamayastvam brahmamayah
Tvam sachchidaanandaadviteeyosi
Tvam pratyaksham brahmaasi
Tvam jnaanamayo vijnaanamayosi

You are speech and consciousness, bliss and Brahman. You are being, consciousness and bliss, without a second. You are visible Brahman. You are knowledge and insight.

Section 5

सर्वं जगदिदं त्वत्तो जायते ॥
सर्वं जगदिदं त्वत्तस्तिष्ठति ॥
सर्वं जगदिदं त्वयि लयमेष्यति ॥
सर्वं जगदिदं त्वयि प्रत्येति ॥
त्वं भूमिरापोऽनलोऽनिलो नभः ॥
त्वं चत्वारि वाक्पदानि ॥ ५॥

Sarvam jagadidam tvatto jaayate
Sarvam jagadidam tvattastishthati
Sarvam jagadidam tvayi layameshyati
Sarvam jagadidam tvayi pratyeti
Tvam bhoomiraaponalonilo nabhah
Tvam chatvaari vaakpadaani

All this world is born of you, stands by you, will dissolve in you and returns to you. You are earth, water, fire, air and sky. You are the four levels of speech.

Section 6

त्वं गुणत्रयातीतः त्वमवस्थात्रयातीतः ॥
त्वं देहत्रयातीतः ॥ त्वं कालत्रयातीतः ॥
त्वं मूलाधारस्थितोऽसि नित्यम् ॥
त्वं शक्तित्रयात्मकः ॥
त्वां योगिनो ध्यायंति नित्यम् ॥
त्वं ब्रह्मा त्वं विष्णुस्त्वं रुद्रस्त्वं
इन्द्रस्त्वं अग्निस्त्वं वायुस्त्वं सूर्यस्त्वं चंद्रमास्त्वं
ब्रह्मभूर्भुवःस्वरोम् ॥ ६॥

Tvam gunatrayaateetah tvamavasthaatrayaateetah
Tvam dehatrayaateetah tvam kaalatrayaateetah
Tvam moolaadhaarasthitosi nityam
Tvam shaktitrayaatmakah
Tvaam yogino dhyaayanti nityam
Tvam Brahmaa tvam vishnustvam rudrastvam
Indrastvam agnistvam vaayustvam sooryastvam chandramaastvam
Brahmabhoorbhuvahsvarom

You are beyond the three gunas, the three states, the three bodies and the three times. You stay ever in the Muladhara. You are the three powers. Yogis always meditate on you. You are Brahma, Vishnu, Rudra, Indra, Agni, Vayu, Surya and the Moon, you are Brahman and the worlds and Om.

Section 7

गणादिं पूर्वमुच्चार्य वर्णादिं तदनंतरम् ॥
अनुस्वारः परतरः ॥ अर्धेन्दुलसितम् ॥ तारेण ऋद्धम् ॥
एतत्तव मनुस्वरूपम् ॥ गकारः पूर्वरूपम् ॥
अकारो मध्यमरूपम् ॥ अनुस्वारश्चान्त्यरूपम् ॥
बिन्दुरुत्तररूपम् ॥ नादः संधानम् ॥
संहितासंधिः ॥ सैषा गणेशविद्या ॥
गणकऋषिः ॥ निचृद्गायत्रीच्छंदः ॥
गणपतिर्देवता ॥ ॐ गं गणपतये नमः ॥ ७॥

Ganaadim poorvamuchchaarya varnaadim tadanantaram
Anusvaarah paratarah ardhendulasitam taarena riddham
Etattava manusvaroopam gakaarah poorvaroopam
Akaaro madhyamaroopam anusvaarashchaantyaroopam
Binduruttararoopam naadah sandhaanam
Sanhitaasandhih saishaa ganeshavidyaa
Ganakarishih nichridgaayatreechchhandah
Ganapatirdevataa om gam ganapataye namah

First say the first letter of gana, then the first vowel, then the anusvara with the half-moon, brightened by Om: this is the form of your mantra. G is its first part, A its middle, the anusvara its last, the bindu beyond it, and the sound joins them; their reciting together is the union. This is the science of Ganesha. Its seer is Ganaka, its metre nichrid gayatri, its deity Ganapati. Om Gam, salutation to Ganapati.

Section 8

एकदंताय विद्महे । वक्रतुण्डाय धीमहि ॥
तन्नो दंतिः प्रचोदयात् ॥ ८॥

Ekadantaaya vidmahe vakratundaaya dheemahi
Tanno dantih prachodayaat

We know the one-tusked one, we meditate on the curved-trunked one. May that tusked one stir us.

Section 9

एकदंतं चतुर्हस्तं पाशमंकुशधारिणम् ॥
रदं च वरदं हस्तैर्बिभ्राणं मूषकध्वजम् ॥
रक्तं लंबोदरं शूर्पकर्णकं रक्तवाससम् ॥
रक्तगंधानुलिप्तांगं रक्तपुष्पैः सुपूजितम् ॥
भक्तानुकंपिनं देवं जगत्कारणमच्युतम् ॥
आविर्भूतं च सृष्ट्यादौ प्रकृतेः पुरुषात्परम् ॥
एवं ध्यायति यो नित्यं स योगी योगिनां वरः ॥ ९॥

Ekadantam chaturhastam paashamankushadhaarinam
Radam cha varadam hastairbibhraanam mooshakadhvajam
Raktam lambodaram shoorpakarnakam raktavaasasam
Raktagandhaanuliptaangam raktapushpaih supoojitam
Bhaktaanukampinam devam jagatkaaranamachyutam
Aavirbhootam cha srishtyaadau prakriteh purushaatparam
Evam dhyaayati yo nityam sa yogee yoginaam varah

One-tusked and four-handed, holding noose and goad, bearing a tusk and the gesture of blessing, with a mouse on his banner, red, big-bellied, with winnowing-fan ears, in red robes, smeared with red paste, worshipped with red flowers; kind to devotees, cause of the world, undying, who appeared at the start of creation, beyond Prakriti and Purusha. Who meditates on him daily is the best of yogis, the verse says.

Section 10

नमो व्रातपतये । नमो गणपतये । नमः प्रमथपतये ।
नमस्तेऽस्तु लंबोदरायैकदंताय ।
विघ्ननाशिने शिवसुताय । श्रीवरदमूर्तये नमो नमः ॥ १०॥

Namo vraatapataye namo ganapataye namah pramathapataye
Namastestu lambodaraayaikadantaaya
Vighnanaashine shivasutaaya shreevaradamoortaye namo namah

Salutation to the lord of the vratas, the lord of the ganas, the lord of the pramathas. Salutation to you, big-bellied, one-tusked, destroyer of obstacles, son of Shiva, form of the giver of boons: salutations.

Section 11

एतदथर्वशीर्षं योऽधीते ॥ स ब्रह्मभूयाय कल्पते ॥
स सर्वतः सुखमेधते ॥ स सर्व विघ्नैर्नबाध्यते ॥
स पंचमहापापात्प्रमुच्यते ॥
सायमधीयानो दिवसकृतं पापं नाशयति ॥
प्रातरधीयानो रात्रिकृतं पापं नाशयति ॥
सायंप्रातः प्रयुंजानो अपापो भवति ॥
सर्वत्राधीयानोऽपविघ्नो भवति ॥
धर्मार्थकाममोक्षं च विंदति ॥
इदमथर्वशीर्षमशिष्याय न देयम् ॥
यो यदि मोहाद्दास्यति स पापीयान् भवति
सहस्रावर्तनात् यं यं काममधीते
तं तमनेन साधयेत् ॥ ११॥

Etadatharvasheersham yodheete sa brahmabhooyaaya kalpate
Sa sarvatah sukhamedhate sa sarva vighnairnabaadhyate
Sa panchamahaapaapaatpramuchyate
Saayamadheeyaano divasakritam paapam naashayati
Praataradheeyaano raatrikritam paapam naashayati
Saayampraatah prayunjaano apaapo bhavati
Sarvatraadheeyaanopavighno bhavati
Dharmaarthakaamamoksham cha vindati
Idamatharvasheershamashishyaaya na deyam
Yo yadi mohaaddaasyati sa paapeeyaan bhavati
Sahasraavartanaat yam yam kaamamadheete
Tam tamanena saadhayet

The section says: who studies this Atharvashirsha becomes fit to be Brahman, thrives everywhere, is not hindered by obstacles and is freed from the five great sins. Reciting in the evening destroys the day's sin, in the morning the night's sin, at both he is sinless, and everywhere he is free of obstacles, and he attains dharma, wealth, desire and liberation. It should not be given to one who is not a student; whoever gives it so becomes more sinful. By a thousand recitations, whatever is sought is achieved with it.

Section 12

अनेन गणपतिमभिषिंचति स वाग्मी भवति ॥
चतुर्थ्यामनश्नन् जपति स विद्यावान् भवति ।
स यशोवान् भवति ॥
इत्यथर्वणवाक्यम् ॥ ब्रह्माद्यावरणं विद्यात्
न बिभेति कदाचनेति ॥ १२॥

Anena ganapatimabhishinchati sa vaagmee bhavati
Chaturthyaamanashnan japati sa vidyaavaan bhavati
Sa yashovaan bhavati
Ityatharvanavaakyam brahmaadyaavaranam vidyaat
Na bibheti kadaachaneti

The section says: whoever bathes Ganapati with this becomes eloquent. Whoever chants it fasting on Chaturthi becomes learned and famous. So says the word of Atharvana. Who knows the Brahma-enclosure never fears.

Section 13

यो दूर्वांकुरैर्यजति स वैश्रवणोपमो भवति ॥
यो लाजैर्यजति स यशोवान् भवति ॥
स मेधावान् भवति ॥
यो मोदकसहस्रेण यजति
स वाञ्छितफलमवाप्नोति ॥
यः साज्यसमिद्भिर्यजति
स सर्वं लभते स सर्वं लभते ॥ १३॥

Yo doorvaankurairyajati sa vaishravanopamo bhavati
Yo laajairyajati sa yashovaan bhavati
Sa medhaavaan bhavati
Yo modakasahasrena yajati
Sa vaanchhitaphalamavaapnoti
Yah saajyasamidbhiryajati
Sa sarvam labhate sa sarvam labhate

The section says: who worships with shoots of durva is like Kubera; with parched rice, becomes famous and wise; with a thousand modaks gains the fruit he wishes; with sticks and ghee gains all, gains all.

Section 14

अष्टौ ब्राह्मणान् सम्यग्ग्राहयित्वा
सूर्यवर्चस्वी भवति ॥
सूर्यग्रहे महानद्यां प्रतिमासंनिधौ
वा जप्त्वा सिद्धमंत्रो भवति ॥
महाविघ्नात्प्रमुच्यते ॥ महादोषात्प्रमुच्यते ॥
महापापात् प्रमुच्यते ॥
स सर्वविद्भवति स सर्वविद्भवति ॥
य एवं वेद इत्युपनिषत् ॥ १४॥

Ashtau braahmanaan samyaggraahayitvaa
Sooryavarchasvee bhavati
Sooryagrahe mahaanadyaam pratimaasannidhau
Vaa japtvaa siddhamantro bhavati
Mahaavighnaatpramuchyate mahaadoshaatpramuchyate
Mahaapaapaat pramuchyate
Sa sarvavidbhavati sa sarvavidbhavati
Ya evam veda ityupanishat

The section says: who has eight brahmanas properly take it up becomes bright as the sun. Who chants it during a solar eclipse, on a great river or near a murti gains the mantra's power, and is freed from great obstacles, great faults and great sins. He knows all, he knows all, who knows thus: so says the Upanishad.

Shanti 2

ॐ सहनाववतु ॥ सहनौभुनक्तु ॥
सह वीर्यं करवावहै ॥
तेजस्विनावधीतमस्तु मा विद्विषावहै ॥
ॐ भद्रं कर्णेभिः शृणुयाम देवा ।
भद्रं पश्येमाक्षभिर्यजत्राः ॥
स्थिरैरंगैस्तुष्टुवांसस्तनूभिः ।
व्यशेम देवहितं यदायुः ॥
ॐ स्वस्ति न इन्द्रो वृद्धश्रवाः ।
स्वस्ति नः पूषा विश्ववेदाः ॥
स्वस्तिनस्तार्क्ष्यो अरिष्टनेमिः ।
स्वस्ति नो बृहस्पतिर्दधातु ॥
ॐ शांतिः । शांतिः ॥ शांतिः ॥

Om sahanaavavatu sahanaubhunaktu
Saha veeryam karavaavahai
Tejasvinaavadheetamastu maa vidvishaavahai
Om bhadram karnebhih shrinuyaama devaa
Bhadram pashyemaakshabhiryajatraah
Sthirairangaistushtuvaansastanoobhih
Vyashema devahitam yadaayuh
Om svasti na indro vriddhashravaah
Svasti nah pooshaa vishvavedaah
Svastinastaarkshyo arishtanemih
Svasti no brihaspatirdadhaatu
Om shaantih shaantih shaantih

Om. May it protect us both, may it nourish us both, may we work with strength together, may our study be bright, may we not hate each other. Then again the opening prayer: may we hear what is good, see what is good, live out the life the devas gave, and may Indra, Pushan, Tarkshya and Brihaspati give us well-being. Om peace, peace, peace.